Mættur aftur á mölina

2006-11-13T10:50:00.000Z

31.10.06 var síðasti vaktdagur minn í sjúkrafluginu hjá Landsflugi. Við Bragi lentum göfuglega í Reykjavík og squawkuðum samviskusamlega í journey logið þegar komið var upp að skýli. Þetta var tregafullur dagur og viðast hvar sá tár á hvarmi. Einhvern veginn komst maður samt í gegnum þennan dag. Fór til eyja aftur í síðustu viku til að klára að kenna verklega kennslu og tókst það með ágætum. Fékk inni á Sambýlinu þennan tíma. Fór meira að segja á Vestmanneyskt Pubquiz og vann. Við Þráinn fengum 20 bjóra fyrir vikið. Ekki slæmt.
Þessa dagana er ég því aðeins að einbeita mér að undirbúningi fyrir Icelandair ráðningu sem ég vona innilega að eitthvað gangi þetta árið. Er annars slakur á Hringbrautinni. Næsta mál á dagskrá er annars Glasgow 30.nóv sem staðsett er á hitabeltiseyjunni Skotlandi. Spigsporandi með haggisætum og boltabullum. Helgarferð með drykkjufélugunum og ef konan spyr, er ég bara að kaupa jólagjafir .

Allt að gerast

2006-10-24T10:08:00.000Z

Fyrsti snjórinn mættur og vélin án skýlis í vetur. Innilega vona ég að það verði ekki sjúkraflug í dag. Þyrfti að afísa alla vélina fyrir brottför. Meiriháttar vesen.
Iceair að ráða að öllu líkindum massastóra ráðningu og gífurleg spenna í loftinu. Næstum hver einasti flugmaður sem ég þekki er að undirbúa umsókn. Þessi flugbransi er ótrúlega snöggur að skipta um skoðun. Fyrir mánuði var ekki nema eymd og vosbúð framundan en nú eru allir sprengfullir af kæti yfir því að ICE er að ráða. Þetta er meira að segja árstíðabundið. Öllum sagt upp á haustin og einhverjir ráðnir fyrir jól. Trausta helvítis starfsumhverfið. En einhverra hluta vegna kaus maður þetta starf til framtíðar. Koma svo ICE, hvernig væri að hleypa kallinum að þetta árið?
Minn endir í sjúkraflugi Landsflugs er í næstu viku og er ég viss um að ég á eftir að sofna næstu nætur grátandi í koddann minn yfir söknuði af þessu fyrirtæki. Djöfull væri brilliant að komast inn eftir þetta Vestmannaeyjaævintýri.

2006-10-09T21:31:00.000Z

Tékkið á þessu

Að slá í gegn

2006-10-04T16:24:00.000Z

Nú er nýafstaði Sumarlokaveisla sem haldin var i flugstöðinni í Vestmannaeyjum. Að vanda vorum við Heimir sambýlismaður minn edrú og á vaktinni. Það breytti því ekki að maturinn var æðislegur og bullandi stemning. Það var að vanda allt flæðandi í víni og hápunktur kvöldsins var þegar Hið allmagnaða húsband KSÍ (Klamydíusýktur íkornabrundur, NB ég bjó þetta ekki til) smellti sér á svið og vægast sagt gerði allt vitlaust. Tókum marga góða slagara en enduðum á Partýbæ sem féll sérstaklega í góðan jarðveg hjá þúsundþjalasmiðnum og rokkara, Jóni Gísla.Enhverjar myndir eru hér http://public.fotki.com/nonnibe/sumarlok-vestmflugvllur/.
Annars er ég ekki alveg drekinn. Fæ mánaðaruppsagnarfrest. Er samt kominn í bæinn núna og verð til 15. okt. Gífurlegt starfsöryggi í þessum flugbransa alltaf hreint. Jíbbbbí

Fljótt skiptast veður í lofti

2006-09-26T18:15:00.000Z

Jæja, laugardagurinn síðastliðinn byrjaði skemmtilega. Sophie mín vaknaði með smá magapínu um morguninn en var kominn í rannsókn á Landspítala um kvöldið með heljar verki. Læknarnir voru ráðþrota en stuttu seinna var allt horfið og hún aldrei hressari. Furðulegt en gott að þetta endaði vel. Ég fór og hitti pókerstrákana seinna um kvöldið og var það greinilegt að ég átti langt í land með drykkjuna. Ég skellti hratt í mig og endaði nátturulega í ruglinu niðri bæ. Ég fékk líka að gjalda fyrir það daginn eftir. Helvítis Gammel dansk. Hver átti eiginlega hugmyndina að því. Djöfull er hann dauður.
Var að koma af fundi hjá mínu ástkæra Landsflugi og fékk að heyra að frá og með 1.okt er ég atvinnulaus. NO more sjúkraflug. Sophie frekar sátt við að fá kallinn meira heim. Frekar súrt en það þýðir ekki að hengja haus heldur fara að gera bara eitthvað annað.

El capitan

2006-09-22T00:12:00.000Z

Haldiði að gaurinn hafi ekki bara tekið kafteinstékkinn á Chieftaininn um daginn. Dengsi tékkaði mig og Hring hjá Landsflugi báða út á laugardagseftirmiðdegi fyrir um 2 vikum síðan. Kvöldið endaði síðan í meiriháttar fylleríi hjá honum og Hring á meðan ég skemmti mér með vinum mínum um kvöldið. Hann hitti víst bæjarstjórann og sagði honum að allt sem hann væri að gera væri ömurlegt nema að fá næturferðir með Herjólfi. Dengsi, dúsu púa(fyrir ykkur ójúrovisjónnördana, þýðir þetta 12 stig) frá mér fyrir þetta.
Ég er búinn að bíða í 10 daga eftir sjúkraflugi. Hvað djöfuls hreysti er þetta í ykkur Vestmannaeyingar. Ekki enn komist í fyrsta kafteinstúrinn. kræst men.
Fer í frí á morgun og ætla mér að hitta konuna og rifja upp gamla daga. Hitti svo strákana á laugardag og líkur eru á drullugóðu djammi þá.
ding dong. This is your captain speaking, hope you had a pleasant reading and please pray for Liverpool to win the next game. ding dong

Göngur=fyllerí=suddafjör

2006-09-18T22:51:00.001Z

Djöfull var gaman í göngunum. Ég var búinn að eyða uþb 5 mín á norðulandinu þegar Tóti vinur minn var búinn að rétta mér fyrsta bjórinn. Þeirri stanslausu sigurgöngu lauk ekki fyrr en ég fékk mér síðasta bjórinn í partýinu hjá Gunnari Ægi fyrir ballið. Þegar ég var líka búinn að fá mér rudda í nefið og áttaði mig á því að húsið væri í raun og veru á fullri ferð var kominn tími á kaffibollann. Baggalútur var hljómsveit ferðarinnar án vafa. Við strákarnir sungum Ballatines, Helltu brennivín í mjólkurglasið og fleiri slagara allan tímann sem göngurnar stóðu yfir, þá sérstaklega aftan á hjólinu hans Tóta. Æðislega gaman. Það var líka dúndrandi stemning og í fyrsta skipti kom gítar með sem sló náttúrulega í gegn. Nýveiddi silungurinn kom líka sterkur inn í Urðhæðarskála. Takk öll fyrir samveruna.

Göngur=fyllerí=suddafjör

2006-09-18T22:51:00.000Z

Allir vilja hitta mig í Eyjum

2006-09-01T21:18:00.000Z

Strákarnir í Typpatíunni komu í heimsókn síðustu helgi til Eyja og gjörsamlega björguðu mér frá félagslegri einangrun. Þeir komu sauðdrukknir úr Herjólfi og fimmaurabrandararnir gjörsamlega hrundu af þeim. Það var æðislegt að fylgjast með þeim og ég náttúrulega bláedrú, fúlt. Gullkornin flugu á milli manna alla helgina og áfengi og þynnka skiptust á að vera með yfirhöndina. T.d. var aðeins helmingur liðsmanna hafði það af að komast í fótboltann á laugardegi sökum vafasams ástands. Takk fyrir heimsóknina strákar. Þið eruð æðislegir.
Sophie mín kom svo á mánudegi og var til miðvikudags. Við gistum í Heiðarbæ sem ég leigði fyrir strákana líka og var æðislegt að geta verið smá tíma með henni einni. Sé hana vonandi í næstu viku þegar ég kemst í frí, vonandi (krosslagðir fingur).

Við gömlu byrjuð að leigja

2006-08-21T20:13:00.000Z

Mætti á eyjuna fögru þriðjudag eftir versló og hef verið þar síðan. Lengsta útlega mín frá upphafi og verður út mánuðinn enda er ég ekkert uppáhalds hjá Sophie þessa dagana. Þykir verst að geta ekki verið hjá henni í íbúðinni sem við byrjuðum að leigja 1. ágúst. Já við skötuhjúin erum byrjuð að leigja by the way. Leigjum íbúðina hans Höska á Hringbraut 119. Sé ekki fram á að geta eytt einhverjum tíma þar fyrr en í október. Sökkar feitt en svona er flugmannslífið ...allavega til að byrja með. Someday will be payday.
Svo eru göngurnar aðra helgina í sept og verður gaman að hitta gamla liðið og hrynja í það með heimatilbúnum Böðvarson.
Flugkennslan komin á fullt hérna í Eyjum og nóg að gera. Bóklega kennslan fer að byrja í byrjun sept og ætlum við að reyna að klára í enda nóv.

Laugavegur um versló

2006-08-21T19:45:00.000Z

Hey hey eins og Eyfi myndi orða það. Hvað er búið að gerast síðan síðast? Já, ég fór Laugaveginn um Verslunarmannahelgina í skítaveðri en hafði farið áður og því rataði niður á endanum. Þetta var góður hópur og skiptir það höfuðmáli. Þakka Eyrúnu fyrir undirbúninginn og foreldrum hennar fyrir dilisjus barbekjú í Básum. Men hvað það var gott. Og snilldardjamm á eftir. Var svekktur yfir því að kærastan mín sá ekki landslagið þarna því það er virkilega fallegt eins og hún.

Bornholm 3

2006-08-11T00:41:00.000Z

TAX FREE. Never again. Ég ætlaði aldeilis að fá eitthvað till baka að skattinum sem ég borgaði fyrir allt draslið sem ég keypti. Fékk Tax free fyrir öllu saman og það var eitt vesenið en reddaðist allt. Svo komum við á völlinn og ætluðum að fá þetta borgað. check inn, í gegnum skoðun og inn á fríhöfnina þarsem taxfree básinn var. Þá kom í ljós að það er margskonar kerfi. Hjá sumum búðum þarf að fá stimplað frá tollara en annað þarf ekki. Why? Afhverju er ekki bara eitt kerfi? Hvað er málið? Ég þurfti semsagt að labba Kastrup þvera og endilanga til að fara út og inn til tollara og fá stimpil. Kem upp aftur en þá er bara einn stimpill. Þurfti fleiri..AARRGGHHH. Fór aftur sömu leið og fékk stimpla, kem tilbaka og enn ekki nógu margir stimplar. Danskir Tollarar eru hálfvitar. Engan veginn starfi sínu vaxnir. Þá sprakk ég. Ég missti mig í fríhöfninni í Kastrup og aumingja Sophie og konan í Tax free básnum fengu að heyra óþvegið. Allt þetta helvítis vesen fyrir í heildina 7000 kr!!!!!! Not worth it. Ég fór bara og settist á næsta bar og sagði við Sophie að ég gæti ekki meir. Pantaði mér stóran bjór og mæ god var hann svalandi. Aldrei aftur Tax free. Komum seint heim á miðvikudagskvöld þreytt og ánægð.

Bornholm 2

2006-08-11T00:40:00.000Z

Foreldrar Sophie buðu okkur á tónleika með Lars Lilholt sem ég hafði bæðövei aldrei heyrt um. Þeir komu mér bara vel á óvart. Þetta var show og ekkert til sparað. Gaurinn var að koma í 12 skiptið í röð og alltaf er uppselt. Ég skemmti mér alveg konunglega. Þetta var svona bland af írskri gamalli þjóðlagatónlist og svo Kim Larsen. Þetta var 8 manna band og hver og einn spilaði á að minnsta kosti 3 hljóðfæri. Í 2 lögum þurfti að grípa til sviðsmanna til að fylla upp í þau hljóðfæri sem vantaði uppá. Mjög pro. Kynntist þar líka bjórhaldara fyrir 5 bjórglös í einni hendi. Algjör snilld. 2 hendur x 5 bjórar = 10 bjórar. Djöfull vantaði mig þetta á T in the park. Við Sophie vorum á skallanum en vorum fyrst til að fara heim. Gamla settið og vinir þeirra fóru í eftirpartý. Hvað er eiginlega að verða um mann? Yngsta liðið á svæðinu var fyrst til að fara heim. Skömm að þessu. Við notuðum síðasta daginn til að versla föt á mig í Köben. Ég komst að þvi að ég versla bara föt í útlöndum. Gott að eyða bara dagi í þetta og svo búið. Mér finnst ekkert leiðinlegra en að versla föt. Endalaust vesen. Máta allan daginn og....aarrgghhhhh, ég verð bara pirraður á að skrifa um þetta. DÖMUR, HVERNIG NENNIÐ ÞIÐ ÞESSU.

Bornholm 1

2006-08-11T00:38:00.000Z

Við skötuhjúin skelltum okkur til Danaveldis eða réttara sagt til Borgundarhólms. Íbúar þessarar eyju (sem er fyrir ykkur flugnördana er u.þ.b. 55N og 15E en annars rétt suður af Svíþjóð) er gott fólk. Maður fann fyrir miklum hlýhug hvert sem maður fór og sér í lagi frá foreldrum hennar Sophie. Þau vildu allt fyrir mann gera og sáu til þess að mann skorti ekki neitt. Ég fékk að hitta alla fjölskyldumeðlimi og snakkaði dönsku við þá flesta. Innfæddir eru þónokkuð líkir Íslendingum. Þetta eru sveitamenn, hafa sitt tungumál sem er bornholmsk ( danska með sænskum áhrifum ásamt fleirum) og eru mjög áhugasamir um að halda sínum sérkennum. Aðalsmerki þeirra er reykt síld sem er annars ágæt. Minnir bara á reyktan silung eða þessháttar. Einnig eru þeir stoltir af sælgætisgerð og bjórgerð. Í sitthvoru lagi er þetta mjög gott en súkkulaðibjór er eitthvað sem ég mæli ekki með. Bara slæm hugmynd. Snarlega hætti við að taka nokkur stykki með til Íslands. Kanelhunang er aftur á móti það besta ofaná brauð sem ég hef smakkað lengi. Tók með mér nokkrar krukkur heim ásamt fleiri útgáfum af hunangi.

Fjör í fluginu

2006-07-19T14:03:00.000Z

Flug flug flug. Flutti fótboltastráka í gær til og frá eyjum ásamt stærri vélinni D228. Á leiðinni tilbaka kom með mér Serbi sem spilaði með liðinu og var búinn að veðja við hina í liðinu að ef þeir myndu vinna leikinn, yrði hann að taka minni vélina í bæinn. (ímyndið ykkur BORAT)" I loose bet, yes and hrvave thvo take small plane to hrekkjavik yes. Hann var ekki flugvanur og frekar óstyrkur en ég reyndi að hughreysta hann og honum leið betur fyrir vikið. Eftir lendingu í Reykjvík sagði hann með bros á vör:" Ðíis best flight ever hrvad yes, next time I call for you. Very good. Mér hlýnaði um hjartarætur við að heyra þetta. Alltaf gaman að fá hrós frá farþegum.
Johnny out

Frí eftir nokkra daga...jibbí

2006-07-16T21:25:00.000Z

Enn ein viðburðarrík helgi í eyjunni. Föstudagur-dauður, laugardagur-alveg dauður. Hitti þó gamlar vinkonur úr MH í sundi. Gaman að því. Kallaðir út í flug á sunnudegi en svo var ekkert úr því sem betur fer fyrir viðkomandi en verra fyrir mig. Engir flugtímar þar. Fengum samt sem sárabót, áætlunarflug í bæinn.

Djöfuls svaka heilsufrík er maður orðinn. Út að hlaupa á morgnana (ja, svona tæplega fyrir hádegi) og svo beint í sund á eftir og ég er ekki bara að tala um pottana. Ónei, synda í sundlaug. Ekki grín. Ég veit ég hef jafnvel verið fordómafullur á fólk sem fer í sund að synda en sér ekki nýtingu sundlauga landsins enda með heitu pottunum eins og ég. Við skulum samt halda okkur á jörðinni því ég er ekki að tala um neinar gífurlegar hlaupa eða sundvegalengdir en þetta er allavega byrjun. Maður verður að geta klárað Göngurnar í ár allavega.

Djöfull öfunda ég Eyfa sem fór á Chieftaininum til Færeyja um daginn.
Eyfi....ég hata þig.
Eyfi....til hamingju með 1000 tímana.

Kveðjur frá eyjarónanum.

Elsku vinir og vandamenn

2006-07-11T15:35:00.000Z

...og lífið heldur áfram í eyjum. Ég og sambýlismaðurinn erum búnir að stoppa í sokka ásamt því að iðka krosssaum og brodderingar ( hvað sem það nú er) í allan dag. Við stöndum glaðir vaktina og bíðum keikir eftir því að geta komist í loftið.

HM er búið og spennufallið gegndarlaust. Veit ekki hvort ég geti beðið í önnur 4 ár. Höski!! Hver var lokaniðurstaða í veðbankanum okkar? Veit ég tapaði en langar að vita hversu langt frá ég var frá hinum. Ég var allavega ekki að sleikja skítinn af botninum eins og í fyrri hlutanum. Djöfull skeit ég í heyið þar.

Bíð nú eftir því að komast í Danmerkurferð með minni undurfögru kærustu Sophie og drekka jafnvel ...Faxe kondi eða Jolli Cola, held ekki. Ætliða verðekki eitthvað sterkara. Vona bara að ég verði ekki á rassgatinu, fari með klámvísur og geri mig að fífli fyrir framan tengdó.

Ég þarf að viðurkenna það að þessa síðu setti ég upp af nauðsyn frekar en löngun. Ég er búinn að vanrækja vini mína svo svakalega síðan ég byrjaði á þessu flugævintýri að ég verð að nýta tæknina og láta vita af mér. Það veit víst enginn hvað ég er að gera í mínu lífi. Mér finnst persónulega gott að geta smellt á síður annara og fylgst aðeins með svo að loksins þegar maður mætir í einhver samkvæmi er maður allavega mellufær í umræðum. Mér finnst ömurlegt af mér hvað ég er búinn að sinna ykkur lítið en þessi bransi er hark til að byrja með allavega. Someday will be payday.

Getur það verið?

2006-07-11T15:23:00.000Z

Gæti verið að bloggið sé komið af stað? Sjáum til